Vitranir Wesselmanns um líf mannkyns á jörðinni eftir 5000 ár

Mannfræðingurinn Hank Wesselmann hefur sagt frá shamanískum upplifunum sínum eða vitrunum þar sem hann tengir sig við afkomanda sinn sem lifir í Kaliforníu eftir 5000 ár í framtíðinni. Afkomandinn sem heitir Nainoa tilheyrir hópi fólks sem stundar veiðar og landbúnað og hefur siglt til meginlandsins Kaliforníu frá Hawaii eyjum. Samkvæmt bók Wesselmanns, Spiritwalker sem fæst á Amazon, verður frumskógur í Kaliforníu eftir 5000 ár. Innhaf verður þar mikið vegna þess að sjávarstaða hefur hækkað umtalsvert og meðalhiti í Kaliforníu hefur hækkað samkvæmt þessu um 20 gráður á Celsíus vegna loftslagsbreytinga og hlýnunar jarðar. Nainoa leitar að hlutum í rústunum af San Francisco. Hann hefur enga hugmynd um hvað bílar eru, en leifar af vegum standa ennþá en enginn veit til hvers vegirnir voru notaðir. +

Nainola lifir í mæðraveldis ættbálkasamfélagi þar sem konur fara með æðstu völd. Hann tekst á við þá áskorun að fara einn í landkönnunarleiðangur inn í land, yfir fjöllin og yfir á slétturnar hinum meginn. Þar eru savannasléttur með fílum, gíröffum og ljónum eins og eru núna í Afríku. Markmið Nainoa er að finna hesta og reyna að koma með slík dýr heim til síns ættbálks.

Nainoa hittir handan við fjöllinn veiðmenn, safnara og hirðingja sem lifa á dýrunum á sléttunni og safna jurtum og berjum. 

Ef þessi mynd Hank Wesselmanns er rétt, þá eru það bæði slæmar og góðar fréttir. Góðu fréttirnar eru að mannkynið verður ennþá til eftir 5000 ár, þótt hópar þess verði ekki fjölmennir en vondu fréttirnar eru að borgir eins og San Francisco, San Diego, Los Angeles, New York og London verða allar hamfarakenndum loftslagsbreytingum að bráð þannig að eftir 5000 ár verða allar þessar borgir rústir einar, vaxnar regnskógi. Vestræn siðmenning verður löngu hrunin.

Hækki meðalhiti jarðar um 20 gráður en ekki 2 eins og stefnt er að í samningum, er ljóst að við erum að sigla inn í miklu meiri loftslagsbreytingar en nokkurn vísindamann grunar. Við erum að fara inn í hamfarahlýnun á fullri ferð sem mun hafa hryllilegar afleiðingar í för með sér. Mannkynið hefur sjálft valdið loftslagsbreytingunum með líferni sínu og ákvörðunum síns frjálsa vilja. Wesselmann spáir í raun endalokum heims eins og við þekkjum hann.

Eitt sinn voru sett fram boðorðin 10. Þar stóð: Þú skalt ekki morð fremja. Þú skalt ekki ágirnast það sem náungi þinn á. Heiðra skaltu föður þinn og móður. Mannkynið hefur brotið öll þessi boðorð Guðs aftur og aftur. Einnig með því að ráðast gegn náttúrunni sjálfri og lögmálum hennar hefur mannkynið gert uppreisn gegn Guði sjálfum.

Hank Wesselman hefur skrifað fleiri bækur eins og Visionseeker þar sem hann lýsir ferðum sínum inn í framtíðina og samskiptum sínum við afkomanda sinn í Kaliforníu. Mæli með þessum bókum fyrir þá sem hafa á slíkum málum áhuga. 

Ingibjörg Álfrós Björnsdóttir M.Sc.

Samkynhneigð Njáls á Bergþórshvoli

Ég fékk hugljómun um daginn. Ég var að byrja að lesa Njálu í annað skipti og allt í einu var eins og hula sviptist frá augum mínum. Auðvitað. Í Njálu er sagt að Njáli á Bergþórshvoli hafi vart vaxið skegg og talað er um að Gunnar á Hlíðarenda hafi elskað að ganga í skartklæðum. 

Þeir voru auvðitað báðir samkynhneigðir. Gunnar á Hlíðarenda var hommi, Njáll á Bergþórshvoli líka og þeir voru leynilegir elskendur. Bergþóra er sennilega bara gervikarakter sem táknar Helju, en ég trúi því að bæði Gunnar á Hlíðarenda og Njáll á Bergþórshvoli hafi raunverulega verið til.

Ástarsaga þeirra væri þá ein mesta ástarsaga sem nokkurn tímann hefur verið rituð.

Ég er núna að lesa Njálu út frá þessari tilgátu og ég er að reyna að sjá hvort bókin opnast meira fyrir mér ef ég hugsa um hlutina á þennan hátt.

Ingibjörg Álfrós Björnsdóttir

Um mikilvægi kærleikans

Eins og kunnugt er þurfa allar lífverur jarðar á vatni að halda. Segja má að lífið á jörðinni sé grundvallað á vatni. Það eru þó færri sem vita að allt líf á jörðinni er einnig grundvallað á kærleika. Mikilvægi kærleikans hefur verið stórlega vanmetið.

Ungabarnið sem fæðist inn í heiminn þarf ekki bara móðurmjólk. Það þarf ekki síður á kærleika foreldra sinna að halda. Börn sem ekki fá nægan kærleika verða veik á sálinni og sum þeirra deyja um aldur fram.

Þegar við erum orðin fullorðin þurfum við einnig á kærleika að halda. Ekkert kemur í staðinn fyrir kærleikann. Væntumþykja er það sem við raunverulega þurfum. Góðmennska, góðvild, gæska og umhyggja er það hugarþel sem við eigum að sýna hvort öðru. Við getum því ekki lifað án kærleikans. Kærleikur er vatn sálarinnar. Við þurfum að vökva sál okkar með kærleika.

Og við megum ekki gleyma því mikilvæga atriði að elska einnig okkur sjálf, því við getum ekki elskað aðra ef við elskum ekki okkur sjálf.

Kærleikurinn er sterkasta afl alheimsins. Alheimurinn er í raun gerður úr kærleika. Ljósið sem myndar strengina (string theory) er tær kærleikur.

 

Trú, von og kærleikur. Af þessu þrennu er kærleikurinn mestur. Kærleikurinn fellur aldrei úr gildi.

Eigið fallegan og kærleiksríkan dag. Munið að elska hvort annað og að elska ykkur sjálf.

Ingibjörg Álfrós Björnsdóttir

Hin hversdagslega hamingja

Öll höfum við einhvern tímann hugsað þannig að við þurfum bara að klára þetta próf eða ljúka ákveðnum áfanga og þá verðum við hamingjusöm. En svo ljúkum við prófinu, fáum prófskírteini, höldum veislu og síðan tekur hversdagsleikinn við. Og þótt við séum hamingjusöm í nokkra daga þá varir gleðin og hamingjan einungis stutta stund.

Hvernig getum við þá öðlast varanlega hamingju? Hvar er hamingjuna að finna í þessum heimi?

Hamingjan er nátengd dygðunum 7. Dygðirnar 7 eru Kærleikur, Hógværð, Hugrekki, Sannleikur, Réttlæti, Gleði og Friður. Sá sem getur upplifað sig sem verandi í dygðunum 7 er hamingjusamur.

En hvar finnum við hamingjuna. Þurfum við að vera rík til að geta fundið hamingjuna? Nei, við þurfum ekki að vera rík. Grunnþörfum okkar þarf samt að vera fullnægt. Við þurfum að eiga mat í ískápnum og þak yfir höfuðið. Við þurfum að búa við frið en ekki í stanslausum ótta.

En ef við getum uppfyllt okkar grunnþarfir, er ekki svo flókið að verða hamingjusamur/söm.

Hamingjan er nefnilega fólgin í okkar daglega lífi. Hún er gimsteinn sem liggur í götu og sem hægt er að finna og tína upp. Hún er fjársjóður og getur orðið á vegi okkar hvenær sem er.

Ég er sjálf svo lánsöm að ég hef fundið hana. Það ríkir kærleikur og væntumþykja á mínu heimili og þar er kyrrð og friður alveg sama hvað er að gerast í samfélaginu. Ég hef valið að gera heimili mitt að vin í eyðimörk heimsins. Hjá okkur geta allir menn fundið skjól.

Svo er alltaf gott að biðja til Krists og Guðs föður. Biðja um handleiðslu. Knýið á og fyrir yður mun upplokið verða. Biðjið og ykkur mun svarað.

Amen.

Ingibjörg Álfrós Björnsdóttir, miðill.

Hvað eru pýramídarnir þrír í Giza gamlir og til hvers voru þeir notaðir?

Pýramídarnir í Egyptalandi við Giza eru mun eldri en mannkynið hefur áttað sig á. Þeir eru einu mannvirkin sem eru eftir af menningu Atlantis. Í Atlantis var mannakorn notað sem eldsneyti til að knýja sáttmálsarkir sem framleiddu rafmagn. Arkirnar voru settar inn í miðherbergið sem kallast konungsherbergið í pýramídanum. Sáttmálsörkin var sett ofan í steinkistuna sem er í konungsherberginu.

Pýramíðinn sjálfur var hulinn kristalsplötum úr hvítum kvars og efst á pýramídanum var gull og pýramídi úr kristal sem var eins og loftnet sem sendi frá sér þráðlaust rafmagn um alla jörð. Þetta er tækni sem við þekkjum ekki í dag. Undir pýramídanum var vatn sem skapaði jarðtengingu fyrir rafmagnið.

Pýramídarnir þrír í Giza voru semsagt gerðir til að framleiða rafmagn. 

 

Ingibjörg Álfrós Björnsdóttir, miðill.

Ný öld er upp runnin

Ný öld er að renna upp. Tímabili vatnsins er lokið og tímabil eldsins er að taka við. Við væntum komu Krists á hverri stundu. Það er því kominn tími til að vakna af svefni og snúa sér til frelsarans.

Allir menn á j0rðinni eru kallaðir til þess að taka þátt í þeirri gleði og því ævintýri sem er að renna upp. Það sem stendur í Biblíunni um endurkomu Krists er sannleikur. Kristur mun koma.

Það er því ekki seinna vænna að fara að gera sér grein fyrir því að Guð er raunverulega til.

Heimurinn mun versna áður en hann batnar og um stund mun flestum mönnum á jörðinni líða eins og heimsendir sé kominn. En nei, þetta er ekki heimsendir heldur nýtt upphaf með Kristi, konungi heims.

Við erum öll kölluð til þess að vera með í framtíðinni.

Amen.

 

Ingibjörg Álfrós Björnsdóttir, miðill. 

Mikilvægi fyrirgefningarinnar

Allir menn þekkja þjáningu heimsins og flest höfum við fundið hana á eigin skinni. Eitt bros getur dimmu í dagsljós breytt sagði skáldið Einar Benediktsson. Það er mikilvægt að geyma ekki harm sinn í hljóði, heldur tjá líðan sína og ganga í gegnum hið svokallaða sorgarferli. 

Það er eðlilegt að vera í afneitun eftir erfið áföll. En sorgarferlið heldur áfram og að lokum eigum við að geta náð sátt. 

Við eigum aldrei að samþykkja hið illa. Ill hegðun er ill og við erum ekki beðin um að fyrirgefa hana, heldur erum við beðin um að fyrirgefa okkur sjálfum fyrir að hafa dæmt okkur sjálf. Sá sem verður fyrir ofbeldi dæmir oft sjálfan sig sem sökudólg og telur ofbeldið vera sér að kenna. Þolandi hugsar t.d. ef ég hefði klætt mig öðruvísi, þá hefði mér ekki verið nauðgað. Eða þá að einhver hugsar: Eiginmaður minn myndi ekki lemja mig svona nema vegna þess að ég á það skilið.

Við verðum því að fyrirgefa okkur sjálfum. Það er mjög mikilvægt. Með því að ná fram slíkri fyrirgefningu gagnvart okkur sjálfum rjúfum við vítahring ofbeldis og vinnum að friði á jörðinni. 

Það er einnig mjög mikilvægt að við kennum þetta börnum og unglingum til þess að þau fyrirgefi sjálfum sér og lokist ekki inni í eigin sársauka ef eitthvað kemur fyrir. Samvera foreldra og unglinga er einnig lykilatriði. Unglingar vilja þekkja foreldra sína og vilja kynnast foreldrum sínum upp á nýtt sem fullorðnir einstaklingar.

Djúp sár geta ekki gróið án fyrirgefningar. Við skulum því læra að fyrirgefa hvort öðru.

Ingibjörg Álfrós Björnsdóttir

Ó Ísland, rís upp og fagna þinni himnesku köllun - spádómur Rutherfords

Adam Rutherford var enskur Egyptalandsfræðingur og fornleifafræðingur sem setti fram spádóm um Ísland og Islendinga. Ísland gegnir einstöku hlutverki meðal þjóða heimsins. Á Íslandi eru afkomendur Benjamíns en Benjamín var sá sem bar ljósið. Guð faðir á himni hefur valið Ísland til að gegna algjörlega sérstöku hlutverki meðal þjóðanna. Þetta gerir Guð vegna þess að eins og Rutherford bendir á:

1. Það er enginn her á Íslandi og Íslendingar hafa aldrei barist gegn öðrum þjóðum né lagt lönd annarra undir sig. Íslenskir stjórnmálamenn og forsetar hafa reynt að miðla málum. Íslendingar hafa verið friðflytjendur meðal þjóðanna og sælir eru friðflytjendur því þeir munu Guðs börn kallaðir verða.

2, Íslendingar eru ein bókelskasta þjóð veraldar. Fleiri bækur eru hvergi á hvern íbúa og ólæsi er óþekkt.

3. Á Íslandi er lítil sem engin stéttaskipting og allir tala sama tungumálið.

4. Íslendingar elska bókmenntir og sagnfræði. 

5. Flestir Íslendingar eru í Þjóðkirkjunni sem er bæði falleg, sönn og umburðarlynd kirkja. Líf fólksins á Íslandi er svo nátengt íslensku kirkjunni að um allar aldir hefur fólk lifað og elskað sína kirkju og sinn Guð.

Íslendingar eru mjög umburðarlyndir. Þeir elska réttlæti og frið. Einnig eru mannréttindi á Íslandi með því allra besta sem þekkist. Bæði Kristur og Daníel sögðu okkur að mannkynið myndi lenda í miklum hremmingum á síðustu tímum. Þegar hremmingarnar birtast heiminum mun aðeins eitt land standa upp úr myrkrinu og lýsa sem ljós. Það land er Ísland. Lesa má um þetta í Mattheusarguðspjalli 24 og í Daníelsbók 12:1. 

Allar hinar óréttlátu stofnanir heimsins sem eru ekki Guði þóknanlegar munu falla. (Zephanias 3 og Jóhannesarguðspjall 5). Þetta tímabil myrkursins sem við erum um það bil að fara að lifa í gegnum, mun leiða til góðs og til hinnar gullnu aldar sem Drottinn sjálfur hefur lofað okkur. Gullöld ríkisins sem um hefur verið spáð mun renna upp eins og spáð hefur verið um á  mörgum stöðum í Biblíunni. Í spádómsbók Jesaja segir:

Þeir hefja upp raust sína
og fagna yfir hátign Drottins,
úr vestri [ hrópa þeir hástöfum:

15„Heiðrið Drottin í austri, [
nafni Drottins, Guðs Ísraels, á fjarlægum eyjum á hafinu.“

16Frá ystu mörkum landsins heyrum vér söngva:
„Dýrð hinum réttláta.“

Það eru Íslendingar sem munu syngja Drottni dýrð meðan hörmungarnar ganga yfir. Þeir eru þjóðin í vestri. 

Guð hefur verið að undirbúa Íslendinga til að gegna því leiðtogahlutverki sem þeir eiga að gegna meðal þjóðanna. Tíminn er kominn.

Myrkur mun koma yfir þjóðir heims en Ísland mun lýsa sem stjarna í myrkrinu. Með frelsun Íslands mun Guð almáttugur sýna heiminum sína miklu ást og umhyggju fyrir hinni varnarlausu, íslensku þjóð sem tilbiður sinn Drottinn í einlægni og sannleika. 

Íslendingar eiga að undirbúa sig undir hlutverk sitt og láta af þeim hlutum sem eru Drottni ekki þóknanlegir. 

Ísland mun leiða þá sem lifa af endalokin til nýs og betra lífs sem lifað verður samkvæmt kristnum gildum sem Kristur sjálfur mun útskýra.

Þá munu þjóðir heims eyða vopnum sínum og breyta sverði í plóg. Mannkynið mun ei framar heyja stríð.

Ísland er nú þegar orðið land og þjóð friðarins.

 

Ingibjörg Álfrós Björnsdóttir, miðill.

 

 

 

 

Vatnsaflið er tímaskekkja - við eigum að fara strax í vindmyllurnar

Hvammsvirkjun er tímaskekkja og algjörlega óþörf framkvæmd. Tími stórra vatnsaflsvirkjana er einfaldlega liðinn. Í staðinn eiga og munu koma vindmyllubúgarðar. Ég veit ekki betur en milljón skrilljón vindmyllubúgarða séu á teikniborðinu hér á Íslandi? Hvað  þurfum við eiginlega mikla orku? Endalausa orku? Eða er virkjanaiðnaðurinn ennþá svo gamaldags að hann ráði ekki við neitt annað en vatnsafslvirkjanir? Eru verkfræðingarnir okkar of latir til að læra nýja tækni?

Það land sem fer undir uppistöðulón Hvammsvirkjunar kemur aldrei aftur til baka. Það verður aldrei hægt að endurheimta það.

Ef okkur vantar svona mikið orku, eigum við frekar að fara strax í vindmyllurnar, eða slíta samningum við álverin og loka þeim því ál er algjörlega ónauðsynlegur málmur sem hefur gríðarlega umhverfiseyðileggingu í för með sér og hann á ekki að framleiða á Jörðinni yfirhöfuð. Samfélög manna þurfa ekki ál? Til hvers erum við að nota ál? Aðallega að framleiða kókdósir handa Bandaríkjamönnum sem kunna ekki að henda þeim í endurvinnslu. OG svo er líka mikið af áli notað til að framleiða vopn og drápstól í hernaði.

En ef þið viljið ekki loka álverum, þá spyr ég bara. Hvað gætum við sparað margar virkjanir með því að spara raforku? Íslendingar eru með kveikt á öllum ljósum í öllum herbergjum alla daga og ef það er of heitt í húsunum, þá opna þeir glugga í stað þess að lækka á ofnunum. Aldrei er talað um rafmagnssparnað á Íslandi og Landsvirkjun er akkúrat ekkert að gera til að fræða almenning um það hvernig hægt sé að spara rafmagn þannig að ekki þurfi að fara í Hvammsvirkjun?

Og grundvallarforsenda Hvammsvirkjunar stenst hreinlega ekki. Íslenskt samfélag vantar ekki þessa virkjun, því þessa orku er hægt að fá frá vindmyllum og það næstum strax. Það væri nær að hraða byggingu nokkurra vindmyllubúgarða úr því að við ætlum hvort eð er að byggja þá? Hvað vantar íslenskt samfélag eiginlega mikla orku? Hvað þurfum við mikinn iðnað til að lifa hér góðu lífi? Við erum ekki nema 370.000 manns? Þurfum við virkilega bæði endalausa ferðaþjónustu, 2,5 milljónir ferðamanna á ári og einnig allar þessar virkjanir og ætlum við virkilega að eyðileggja hér allt.

Ef það vantar orku fyrir rafmagnsbíla, lokið þá álverinu á Reyðarfirði og takið Kárahnjúkavirkjun í það. Það er búið að byggja hana. Og þegar olían klárast í heiminum, þá duga rafhlöðurnar í öllum rafmagnsbílunum hvort eð er bara í 15 ár áður en þær eyðileggjast og það eru ekki til nægir málmar í jarðskorpu Jarðar til að framleiða rafmagnsbíla fyrir alla í framtíðinni, þannig að þegar olían klárast þá verður hægt að keyra bíla í að hámarki 15 - 30 ár eftir það og síðan munu bílar detta alveg út. Til hvers þurfum við þá allar þessar virkjanir?

Íslendingar munu aldrei bjarga loftslagi jarðarinnar. Það er ekki okkar hlutverk. Við erum 370.000 manns og ef Kínverjar, Rússar, Bandaríkjamenn og Indverjar ákveða ekki að bjarga loftslaginu og hætta að keyra bíla eða nota olíu, þá mun það ekki skipta neinu fokking máli hvað við gerum hér á Íslandi.

Og rafmagnsbílar eiga ekki eftir að redda neinu. Það verður aldrei hægt að framleiða nóg af þeim. Ef olían klárast munu rafmagnsbílar endast í nokkra áratugi en ekki lengur. Metan og vetni væru betri valkostir. Metan fáum við úr gömlum sorphaugum eins og Álfsnesi og Vetni gætum við framleitt nóg með Kárahnjúkavirkjun.

Þannig að til hvers vantar okkur Hvamnmsvirkjun? Til þess að menn geti keyrt Teslur og þóst vera umhverfisvænir framtíðarsinnar þegar þeir eru bara asnar sem eru að láta hafa sig að fíflum.

Fíflin leynast nefnilega víða og láta segja sér hvað sem er. Það er ekkert í orkubúskap Íslands sem raunverulega kallar á Hvammsvirkjun.

Ingibjörg Álfrós Björnsdóttir, M.Sc. M.A.

Táknmál æðstu prestanna í Atlantis

Mannkynið í Atlantis notaði ekki tungumál. Munnurinn var einungis notaður til að syngja. Menn Atlantis hugsuðu í myndum en ekki í orðum og sendu myndskilaboð telepatískt á milli sín. Eina "tungumálið" sem notað var, var táknmál sem einungis innvígðir æðstu prestar Atlantis gátu notað. Það var hieroglyfur en var allt saman byggt á táknmyndum en ekki hljóðum eða stöfum. Það var því frábrugðið hieroglyfi Forn-Egyptalands.

Æðstu prestarnir í Atlantis sem kallaðir voru Altar sungu í Póseidon hofinu þar sem túrkísblái kristallinn var geymdur. Atlantis sökk í sæ fyrir 12700 árum. Það var meginland sem lá eftir öllum Mið-Atlantshafshryggnum og það var eina meginlandið sem var gert úr basalti eins og Ísland. Jarðfræðilega séð er Ísland leifarnar af Atlantis. Ísland er eini hluti Atlantis meginlandsins sem enn er ofansjávar.

 

Ingibjörg Álfrós Björnsdóttir, M.Sc. M.A. leiðbeinandi miðill.