Að öðlast góðan bókmenntasmekk.

Lífið er stutt en bækurnar margar sem hægt er að lesa.  Eftir því sem maður eldist hættir maður að nenna að lesa lélega reyfara, og fer að velja bækur af meiri kostgæfni.  Gráu hárin minna mann á að tíminn er naumur.  En hvernig er þá hægt að öðlast góðan smekk á bókmenntum? 

Svarið er einfaldara heldur en halda mætti:  Með því að lesa ljóð!  Ljóðlistin er eldri en bókmenntirnar og hún hefur að sumu leyti þróast einu skrefi lengra.  Ljóðlistin er einnig forsenda alls prósa og hún er í raun grunnurinn sem allur skáldskapur byggir á.  Auk þess eru ljóðabækurnar þynnri og auðveldara að lesa í gegnum helstu ljóðskáld heimsbókmenntanna, en að lesa allan þann framúrskarandi prósa sem skrifaður hefur verið.

Ljóðskáld geta heldur ekki komist upp með að svindla.  Lesandinn sér strax á fyrstu þremur línunum hvort að um lélegt eða afburða gott ljóð er að ræða.  Prósahöfundur getur frekar komist upp með að blaðra endalaust og lesandinn uppgötvar ekki fyrr en á bls. 355 að höfundurinn hefur ekkert að segja.

Sumar bækur eru þannig, að lesandinn óskar þess að þær tækju aldrei enda.  Ég grét söltum tárum þegar ég lauk við Fávitann eftir Dostojevskij.  Mig langaði svo mikið að lesa meira... en bókin var einfaldlega búin.  Svo eru einstaka bækur sem eru svo lélegar að lesandinn sótbölvar sjálfum sér fyrir að hafa verið að sóa tíma í þær, og hendir þeim jafnvel fúll í ruslakörfuna.

Allar bækur eru börn síns tíma og bókfellið velkist og máist, blöðin gulna og fúna.  Flestar bækur lifa þó lengur en rithöfundarnir, jafnvel þótt að þær séu arfalélegar.  Þær sitja þá í hillu á einhverju afskekktu bókasafni og rykfalla í ró og næði.

En rykið biður um að fá að lifa í minningunni, og e.t.v. eru allar bækur skrifaðar í þeim tilgangi að bjarga sandkornum frá eilífiðinni, jafnvel þótt að sandurinn sjálfur endist ekki einu sinni...

að eilífu.

 

 

The debts of the Icelandic National Power Company and the Greenhouse effect!

The debts of the Icelandic National Power Company which is state owned are already considerable following the construction of the gigantic Karahnjukar hydropower dam (which I desperately protested against).  Now many engineering addicts and leaders of Icelandic industry are demanding that this same National Power Company invest billions of dollars  in new hydropower, geothermal power projects in order to support aluminium smelter projects.  In my opinion this gives the word insanity a totally new and deeper meaning!

It is insane in the current situation to talk about increasing debts of companies which are in public ownership in Iceland.  Especially if the intention is to build more aluminium smelters.

It is even insane to suggest an increase in debts of companies that are completely privately owned.

And this proposed increase in debt is also completely loony, even if we do not take into account the greenhouse effect, and the fact that global climate is now showing an almost unprecedented warming trend.  James E. Hansen, director of the NASA Goddard Institute for Space Studies and professor at Columbia, has said that if we go back 3 million years or so,  in the Earth´s history, we will find similar temperatures as we are heading for now within this century. During that time 3 million years ago, the ocean level was 25 meters higher than it is today.   This puts the huge CO2 emissions from the Icelandic aluminium smelters in a new perspective altogether. 

Surely Iceland has enough troubles without also helping to raise global sea level by 25 meters within this century.

In fact the only good thing which may come out of all this, is that the Icelandic National Power Company and the associated lunatics, may no longer afford to build more gigantic dams, or senseless powerplants.  

Enough is simply enough!

Fegurðin og hin raunverulegu gildi

Ríkisstjórnir undanfarinna ára svo og stjórnendur bankanna hafa óumdeilanlega komið íslenska bankakerfinu í mikil vandræði.  Þetta hafa þeir gert með einkavæðingu, með því að ástunda kenningar nýfrjálshyggju Miltons Friedmans, og með því að fyllast græðgi, spillingu og trú á Mammon.

En endastöð græðginnar er köld og vot gröf.  Það eru fáir menn eins kaldir og umkomulausir eins og þeir sem eru nirflar inn að beini.  Þess vegna þurfum við íslendingar að fara að hugsa á öðrum nótum.  Í stað þess að reyna að græða á hvort öðru, þurfum við að fara að gefa hvort öðru.  Við þurfum að leita inn á við, fara að rækta fjársjóðinn innra með okkur sjálfum, í stað þess að leita að fjársjóðum annarsstaðar þar sem ekkert er að finna nema tómar blekkingar.

En fólk fær þá stjórnendur sem það kýs og við verðum að viðurkenna það að við létum þetta allt ganga yfir okkur.  Við almenningur vorum kannski oft reið og hneyksluð en við héldum samt mörg áfram að kjósa Sjálfstæðisflokkinn af gömlum vana (nema ég sjálf sem kaus náttúrulega VG sem ekki eiga hér hlut að máli), við kusum sömu bankastjóranna, við létum þetta allt viðgangast.  Allt of margir tóku einnig þátt í leiknum og reyndu að verða ríkir í gullæðinu sem hér hefur ríkt á undanförnum árum.  Það þótti flott að eiga Hummer jeppa en núna er ég að vona að það þyki flott að eiga sparneytinn og þægilegan smábíl.

Þannig að nú þurfum við að hreinsa til í ræningjabælinu og loka þeim kafla sögu okkar.  Peningar geta aldrei verið markmið í sjálfu sér, þeir eru einungis leið að öðrum og göfugri markmiðum sem felast í því að við erum öll ein stór fjölskylda hér á jörð, við eigum að standa saman og styðja hvort annað.  Hinn raunverulegi fjársjóður viskunnar liggur innra með hverjum einasta manni.  Sá sem tekur sér næðisstund og biður um að fá að kynnast þeim fjársjóði, hann mun uppgötva hann.  Auk þess eigum við ómetanleg verðmæti í bókmenntum okkar, trúarbrögðum, menningu og listum.

Ég mæli með því að fólk kveiki á kertum, lesi ljóð eða smásögur, njóti fagurrar myndlistar, fari í kirkju og muni að veröldin er þrátt fyrir allt óendanlega fögur.

 

 

 

The importance of poetry for the preciseness of politicians!

It seems that somehow the communication between Iceland and Great Britain has not been precise enough during the last couple of days.  The media revells in verbosity and economic systems and currencies suffer as politicians talk imprecisely using too many words (or the wrong ones for that matter).

This sort of imprecise affluent verbosity is simply more than we can afford.  All this could be avoided if politicians were to read more poetry.  The art of poetry is the art of verbal precision as in Shakespeare's:

Let me not to the marriage of true minds admit impediments... 

Poetry offers the highest possible standards for any linguistic operation - especially one on paper according to the poet Josif Brodsky.

So I would advise both Mr. Brown and Mr. Haarde to get really good interpreters (or even poets) to work with them during the necessary negotiations between our two countries.  No more telephone calls.

Good interpreters would at least be able to prevent more misunderstandings in today´s vulnerable situation. 

Mr. Brown wants to turn Iceland into a slave colony!

Mr. Brown, prime minister of Britain seems to want to turn ordinary innocent icelanders like myself and my aging mother into slaves.  He is insisting that innocent ordinary people in Iceland, not related to the banking system at all, pay the huge debts of the icelandic banks, banks which were owned by a few egocentric and eccentric icelandic millionaires.

Those debts are not the responsibility of the icelandic people.  If Mr. Brown wants to get his money back, he should hunt down exactly those same icelandic former bank owners, who have now eloped with their billions which they are now hiding in Swiss banks or elsewhere. They should be prosecuted, not the average ordinary icelander.

However, if Mr. Brown insists in turning Iceland into a slave colony for Britain, Icelanders have no choice except to turn to Mr. Putin.  The Russians have for a long time been interested in the northern arctic and sub-arctic territories and I´m sure we Icelanders would be accepted gladly into the Russian Empire in spite of our current financial situation.  

Then The Russian Empire could fight the English Empire over the money.  They could throw nuclear bombs at each other and squabble at conferences in Geneva.

We Icelanders may have no other choice!

 

 

Spörum og tökum upp umhverfisvænan lífsstíl

Það má spara miklar fjárhæðir með því að taka upp umhverfisvænni lífsstíl, ganga og hjóla meira, nota taupoka í staðinn fyrir plastpoka, baka brauð, og versla magninnkaup einu sinni í viku í stað þess að kaupa smotterí á hverjum degi.

Endurnýting er rétta orðið, - engu skal hent nema rík ástæða sé til.  Og það sem þarf að henda skal setja í jarðgerð eða endurvinnslu.  Gefa skal gömul föt og gamlar bækur til annarra í stað þess að henda.

Gera skal við allt sem hægt er að gera við. Skóna, kápuna, hjólið.  Engin ástæða til að kaupa nýja skó ef það er hægt að laga þá gömlu.

Ég held samt að við séum að sigla núna hraðbyri inn í bjartari tíma.  En er samt sem áður ekki kominn tími til að spara og lifa umhverfisvænt um leið? 

Karlmenn sem blogga eru töff en konur sem blogga eru erfiðar

Ég er ekki hin dæmigerða kona.  Ég hef að vísu verið alin upp til þess að hugsa um aðra, vera prúð og sýna öðrum umhyggju og fórnfýsi.  Á hinn bóginn hef ég yfirleitt verið miklu greindari en allir aðrir í kringum mig og þess vegna hef ég hugsað og beitt rökhugsun ekki síður en strákarnir.   Að sumu leyti hugsa ég með fastri og kaldri rökhugsun eins og karlmaður og ég er afburðagóð í stærðfræði og efnafræði sem er náttúrulega alveg hræðilegt.

En mér hefur líka verið grimmilega refsað fyrir það að passa ekki inn í kvenímyndina.  Ég var næstum því lögð í einelti í gagnfræðaskóla, ég var örugglega lögð í einelti í leikfimi og ég hef ekki hlotið þann framgang í þjóðfélaginu sem ég ætti að hafa fengið miðað við menntun mína og hæfileika. 

Ég hef haft karlmenn sem yfirmenn sem hafa litið á mig sem ekkert meira en þægilegt kvenkyns vinnudýr.  Ég hef verið sett út í kuldann, það hefur verið reynt að fá mig til að þegja og oft hefur mér verið sagt að ég hafi ekkert vit á málunum þótt að ég sé sérfræðingur á því sviði sem verið er að fjalla um.  Sumum bregður svo mikið við að kona skuli tjá sig með þessum beinskeytta hætti að þeir segja einfaldlega að ég sé stjórnlaus. 

Það er ekkert eins hræðilegt hægt að segja um konu og að hún sé stjórnlaus.  Stjórnlausar konur eru hættulegar. 

Og ég sem kem úr svo fínni og hámenntaðri fjölskyldu!  Hvað fór eiginlega úrskeiðis í uppeldinu? 

Skýringin á þessu er sú að ég er einfaldlega of greind til þess að passa inn í þann ramma sem konum er sniðinn hér á landi.  Það er ekki mér að kenna.  Ég er einfaldlega fædd með þessum ósköpum.  Ég er kannski öðruvísi, en það er af því að ég hugsa og tala eins og raunvísindamaður sem ég náttúrulega líka er.  Hámenntaður raunvísindamaður... eða á ég að segja raunvísindakona.

En það að konur skuli blogga er náttúrulega alveg ferlegt.  Og þeim fer fjölgandi...

Penar og prúðar stúlkur fara allt í einu að blogga og verða síðan bara alveg snarvitlausar...stjórnlausar???

En karlmennirnir - þeir hafa einfaldlega skoðun á þjóðmálunum, enda eru þeir búnir að sigla þjóðarskútunni algjörlega í strand. 

Við stelpurnar fengum ekki einu sinni að hjálpa þeim. 

 

 

 

 

Hvar er hagnaðurinn frá Kárahnjúkum og vill atvinnulífið meiri skuldsetningu ríkisins?

Ég sem hélt að Kárahnjúkar myndu bjarga öllu og hagnaðurinn myndi verða svo mikill að hann myndi halda okkur gangandi í fjöldamörg ár!  En hvar er allur hagnaðurinn núna?  Týndist eitthvað í útreikningunum?  Var orkuverðið of lágt?  Settum við öll eggin í sömu körfuna?

Vilhjálmur Egilsson vill meiri stóriðjuframkvæmdir og það strax.  En hann gleymir einu.  Stóriðjuframkvæmdir eru hroðalega dýrar og þær þarf að fjármagna með lánsfé í erlendri mynt.  Er Vilhjálmur að biðja um það að ríkið skuldsetji sig enn frekar og taki óhagstæð erlend lán til að fara í fleiri framkvæmdir sem skila ekki nægilega miklum hagnaði?

Hvar er arðsemismatið fyrir Helguvík?  Er ekki orkuverð of lágt?  Er ekki gengi álfyrirtækjanna að lækka? 

Mér finnst að í stað þess að einblína á stóriðju ætti Vilhjálmur Egilsson að einbeita sér að því að bjarga öllum þeim fjölmörgu smáfyrirtækjum sem munu líklega fara í þrot á næstu vikum, fyrirtækjum sem hafa skapað mun meiri atvinnu til þessa en öll álver landsins. 

Bretar eiga eftir að sigla á húmornum í gegnum ólgu efnahagslífsins

Það sem einkennir breska menningu öðru fremur er frábært skopskyn og kímnigáfa.  Bretar eru ekki hræddir við að ræða hlutina, þeir ræða þá með því að beita sínum háþróaða og hárbeitta húmor.

Þannig er öll samfélagsumræða í Bretlandi opin, skemmtileg og kaldhæðin, enda er breska sjónvarpið BBC áberandi besta sjónvarpsstöð í heimi.  Bretar þjást ekki af meðvirkni, þeir eru ekki að reyna að fela beinagrindina í fjölskylduskápnum, heldur gera þeir óspart grín að henni og dressa hana upp og fara með hana í gönguferð niður í Piccadilly Circus.

Ég hef fulla trú á því að kímnigáfa Breta muni bjarga þeim í gegnum núverandi efnahagskrísu.  Bretar gætu meira að segja stofnað sérstakan breskan kímnigáfusjóð og selt kímnigáfuhlutabréf sem yrðu örugglega fljótlega jafn mikils virði eða meira virði en hlutabréf í mörgum "raunverulegum" bönkum.

Við Íslendingar eigum góða kímnigáfu í Spaugstofunni, sem jafnast á við það besta sem gerist í gríni og kímnigáfu á alþjóðavettvangi.

Eigum við ekki bara að stofna Spaugstofubankann sem getur síðan haft sína Gleðibankadeild.   Ekki veitir af að hressa upp á liðið.

 

Bankarnir mega ekki sleppa svona auðveldlega frá málinu!

Bankamenn virðast vera eitthvað tregir að selja eignir sínar í útlöndum, en því áfjáðari í að komast yfir eignir lífeyrissjóðanna.  Það er kominn frekjusvipur á  Björgólf Thor og Jón Ásgeir er farinn í fýlu.  Davíð Oddsson  þegir.  Nú reynir á Geir Hilmar Haarde.  Nú verður Geir að vera ákveðinn og ekki láta auðmennina spila með sig né reka sig út í horn. 

Bankarnir skulu svo sannarlega fá að selja eignir sínar í útlöndum.  Þeir skulu þurfa að draga saman og taka afleiðingunum af því sem þeir hafa verið að gera.  Ekki hagstæður tími til að selja - sorrý - veislan er búin og við almennir borgarar sem stjórnmálamenn kalla með fyrirlitningu þjóðina, við ætlum sko ekki að borga áralanga sóun bankanna.  Frekar gerum við byltingu!

Sá eini sem sagði eitthvað af viti í dag, var Þorvaldur Gylfason, sem lýsti því yfir að best væri að reka alla stjórn Seðlabankans undireins.  Vissuð þið annars að Hannes Hólmsteinn er einn af aðalráðgjöfum Seðlabankans í efnahagsmálum? Þegar ég heyrði það, sagði ég:  "AHA, - einmitt já, þannig".