Um mismunun vegna tungumálakunnáttu

Samkvæmt Mannréttindasáttmála Evrópu er bannað að mismuna fólki eftir tungumálakunnáttu.  Þetta þýðir að kalla þarf til túlk þegar verið er að ræða eða taka ákvarðanir í mikilvægum málum.  Eftir þessu er farið víðast hvar á Norðurlöndunum, en því miður virðist ekki alltaf vera farið eftir þessum reglum hér á Íslandi.

Þannig veit ég dæmi þess að túlkar hafa ekki verið kallaðir til þegar mjög mikilvæg mál er snertu heilsu eða eignarétt voru í gangi.  Oft gera Íslendingar bara ráð fyrir því að allir kunni ensku en svo er alls ekki. 

Það eru sjálfsögð mannréttindi að fá útskýringar á sínu móðurmáli þegar verið er að ræða lagaleg atriði eða heilsufarsleg sem geta snert heill og framtíð þess einstaklings sem um er að ræða.

Það vantar einnig tilfinnanlega meiri þjónustu við innflytjendur, - lagalega, tungumálalega og tilfinningalega.  Oft skiptir bara miklu máli að eiga vin eða vinkonu sem hægt er að tala við. 

Eitt bros getur dimmu í dagsljós breytt

sem dropi breytir veig heillrar skálar

þel getur snúist við atorð eitt

aðgát skal höfð í nærveru sálar.

Athugasemdir

[Jakobína Ingunn Ólafsdóttir, 4.11.2008 kl. 12:04]

Sammála þessu og þetta er flott mynd

[Katala (IP-tala skráð) 4.11.2008 kl. 20:21]

Vil bara segja að ég er sammála þér, ég bý erlendis og þekki það frá því ég var nýflutt að það var rosalega gott að hafa einhvern með þegar eitthvað mjög mikilvægt þurfti að komast til skila.  Vinn sjálf með það sama í dag.  Bjó líka á Íslandi með mínum erlenda eiginmanni og veit þar af leiðandi að oft verður til misskilningur af litlu tilefni þó það sé ekki alltaf alvarlegur misskilningur (stundum líka fyndinn) en þörfin er fyrir hendi, það er alveg á hreinu.

Kveðja,

[Heidi Strand, 4.11.2008 kl. 22:43]

Nauðsýnlegt með túlkaþjónustu en Það þarf líka að leggja meira áherslu á kenna útlendingum íslensku.
Íslendingar verða að hætta að tala ensku við alla útlendinga sem hingað koma til að setjast hér að.