Sjálfstæðismenn orðnir að athlægi um allan heim!

Ég er búin að vera að skoða erlendu pressuna og ég sé ekki betur en óspart sé gert grín að Sjálfstæðisflokknum um allan heim.  Þeir félagar Haarde og Oddsson eru að verða heimsfrægir fyrir að hafa siglt einu ríkasta hagkerfi heimsins svo kyrfilega í strand að elstu menn muna ekki annað eins.

Þeir eru að verða eins konar efnahagslegir Gög og Gokke, eða fjárhagslegir Knold og Tot.

Það versta er að Haarde og Oddsson átta sig ekki á því sjálfir hvað er að gerast.  Þeir halda í sakleysi sínu að þeir geti bara haldið áfram að sigla þjóðarskútunni áfram eins og þeir hafa alltaf gert.  Guðlaugur Þór, lærisveinn þeirra, er í startholunum að fara að einkavæða heilbrigðiskerfið.  Ímyndið ykkur Bónus- hjartaaðgerðir eða nýrnaígræðslu í boði Landsbankans allt á erlendum myntkörfulánum. 

Það getur svo sem vel verið að íslenska þjóðin sé tilbúin til þess að fyrirgefa Sjálfstæðisflokknum eina ferðina enn, 

en öll heimsbyggðin í kringum okkur...allar alþjóðastofnanir heimsins...eru ekki líklegar til þess

að fyrirgefa... og þær...

munu líklega knýja fram kosningar á Íslandi fljótlega ef við gerum það ekki sjálf.

Athugasemdir

[Gerður Pálma, 21.10.2008 kl. 20:21]

Svo sannarlega tek ég undir þín skrif, en það er ekki eingöngu litið á þá sem Gog og Gokke heldur okkur öll hin sem kjósum þá/þau. En umheimurinn á eftir að sjá úrlausnirnar, þá fyrst byrjar martröðin, stefnulaust eins og annað sem þetta lið tekur sér fyrir hendur.

Ekki vantar hráefnið til vinnslu, en það er allt sett í hakk og búnar ú því bollur, hvort sem það eru lundir eða leggir. Síðast liðið ár, eða var það í ár?  var skipuð nefnd til þess að finna út hverja ímynd við vildum velja fyrir okkur sem þjóð, það var nauðsyn að skipa nefnd í það því ráðamenn hafa ekki hugmynd um hverjir búa þetta land, og íbúarnir sjálfir eru ráðavilltir því enginn tekur tillit til þeirra. Ráðamenn heyra en þeir hlusta ekki.

Nú er verið að hugsa um að endurkjósa um stækkun álvers í Hafnarfirði ef Álverjar ná 25% af íbúum til þess að skrifa undir endurkosningarlista verður kosið aftur, öll vinnan sem lögð var í Sól í Straumi verður hundsuð af fólki sem ekki hefur kynnt sér til hlýtar hvað álver þýðir fyrir Ísland, og hvaða afleiðingar álver hafa fyrir jörðina (en það kemur okkur heldur ekki við, það er enginn utan úr heimi að nuddast í þessu) -- ekki enn -- en það verður næsta kynning á Íslandi. Álverjar samanstanda af  sómaborgurum,  en það er ljóst að þeir lesa ekki meira en fyrirsagnir því þessi sami hópur myndi ekki bera beint á borð fyrir sig og sína jurtir týndar í umhverfi álvera, hvað þýðir það?  Öll svör að finna í Draumalandinu. 

[corvus corax, 21.10.2008 kl. 21:12]

Og svo er það með alþjóðapeningabaukinn, ekki trúi ég að þeir sem þar ráða láti sig hafa þá heimsku að útvega Íslendingum pening upp á það að láta Ceaucescu Oddsson, Geira gungu, hrossalæknisfíflið og allt það skítapakk hafa peninginn og leyfa þeim að tapa meira en þeir hafa þegar gert. Maður skaffar ekki brennuvörgum bensín á meðan þeir eiga einhverjar eldspýtur eftir!