Bankarnir mega ekki sleppa svona auðveldlega frá málinu!

Bankamenn virðast vera eitthvað tregir að selja eignir sínar í útlöndum, en því áfjáðari í að komast yfir eignir lífeyrissjóðanna.  Það er kominn frekjusvipur á  Björgólf Thor og Jón Ásgeir er farinn í fýlu.  Davíð Oddsson  þegir.  Nú reynir á Geir Hilmar Haarde.  Nú verður Geir að vera ákveðinn og ekki láta auðmennina spila með sig né reka sig út í horn. 

Bankarnir skulu svo sannarlega fá að selja eignir sínar í útlöndum.  Þeir skulu þurfa að draga saman og taka afleiðingunum af því sem þeir hafa verið að gera.  Ekki hagstæður tími til að selja - sorrý - veislan er búin og við almennir borgarar sem stjórnmálamenn kalla með fyrirlitningu þjóðina, við ætlum sko ekki að borga áralanga sóun bankanna.  Frekar gerum við byltingu!

Sá eini sem sagði eitthvað af viti í dag, var Þorvaldur Gylfason, sem lýsti því yfir að best væri að reka alla stjórn Seðlabankans undireins.  Vissuð þið annars að Hannes Hólmsteinn er einn af aðalráðgjöfum Seðlabankans í efnahagsmálum? Þegar ég heyrði það, sagði ég:  "AHA, - einmitt já, þannig".

Athugasemdir

[Lára Hanna Einarsdóttir, 5.10.2008 kl. 18:37]

Sammála hverju orði!

[Árni Gunnarsson, 5.10.2008 kl. 19:23]

"Ekki hagstæður tími til að selja." Þetta er ég nefnilega hræddur um að verði nokkuð almennt viðhorf hjá þessum glæframönnum. Þeir hafa fram að þessu getað hirt gróðann en ég spái að þeim verði drumbs með að taka ábyrgð á tapinu.  

[Hans Haraldsson (IP-tala skráð) 6.10.2008 kl. 04:07]

Tja,

Bankarnir eru skuldugir upp fyrir haus og það kemur enn einn gjalddaginn eftir þann næsta. Af einhverjum eignum þurfa þeir að hafa tekjur.

Hinsvegar segi ég það með þér að mér líst ekkert vel á að flytja 200 milljarða af eignum sjóðanna inn í íslenskt efnahagslíf. Þeirra hlutverk er að ávaxta féð og það gera þeir best með því að koma fé sínu fyrir í öruggri höfn svo þeir komist á útsöluna sem verður eftir að óvissunni linnir.

Þar að auki þá stórefast ég um að 200 milljarða gjaldeyriskaup geti breytt miklu um stöðu banka á stærð við Kaupþing.

Ég geri ráð fyrir að mikið af skuldum bankanna séu gegn veði í íslenskum lánum, sem er slæmt, en þykist þó nokkuð viss um að það sé líf án Kaupþings...

[Ásgeir (IP-tala skráð) 6.10.2008 kl. 08:44]

Vá hvað það pirrar mig þegar fólk eins og þú galar yfir allt netið hluti sem þú hefur augljóslega ekki hundsvit á...

Hvernig í ósköpunum færðu það út að bankarnir séu að reyna að komast yfir eignir lífeyrissjóðanna???

Fáfróðir ættu að tala minna!

[Ingibjörg Álfrós Björnsdóttir, 6.10.2008 kl. 09:33]

Hver segir að ég hafi ekki mínar heimildir?