Alveg dottin í ljósmyndir

Fyrir 2 vikum gaf Valgeir mér Canon Powershot SX 100 myndavél og ég er búin að vera alveg heilluð af ljósmyndun síðan.  Svei mér þá ef þetta er ekki hið skemmtilegasta áhugamál.  Þetta verður kannski til þess að ég blogga minna, og tek meira af myndum í staðinn.

Gaman væri að taka seríu eins og álver á Íslandi,  fossar í útrýmingarhættu,  land sem fer undir vatn.

Reyndar eigum við myndir frá Töfrafossi og svæðinu í kringum Kringilsárrana.  Það er eins gott að taka myndir af landinu áður en það hverfur undir vatn. 

Athugasemdir

[Dunni, 14.8.2008 kl. 06:31]

Þú verður ekki svikin af ljósmynduninni.  Það er eitthvert skemmtilegasta áhugamál sem maður getur dundað sér við. Og með Powershot að vopni eru þér allir vegir færir.

Það er bara að sækja sér stafrænar minningar um okkar yndisfagra land áður en það hverfur undir vatn og innflutt járnarusl.

[Auður H Ingólfsdóttir (IP-tala skráð) 14.8.2008 kl. 10:16]

Nei, nú bloggar þú bara meira, því þú notar bloggið til að sýna okkur ljósmyndirnar...

[Guðrún Helgadóttir, 14.8.2008 kl. 18:15]

Gott hjá Valgeiri, bið að heilsa honum!

[Axel Jóhann Hallgrímsson, 15.8.2008 kl. 23:01]

Það eru óendanlegir möguleikarnir með digital myndavélunum. Maður sér strax árangurinn af tilrauninni og lærir því fljótt að nýta sér kosti myndavélarinnar. Sjálfur á ég Canon EOS 400D sem er frábær vél.