Að ferðast í draumum - hugleiðing um það sem er ekki

Ég er mjög lánsöm að dreyma oft að ég sé að ferðast um hina ótrúlegustu staði.  Jafnvel þótt að ég sé kyrr heima hjá mér getur mig dreymt stórkostlegustu drauma sem hægt er að hugsa sér.

Einu sinni dreymdi mig að ég var á flugi yfir Vestfjörðum og lenti á Ísafirði.  Ég sá allan fjallahringinn og þvílíkt útsýni.

Einnig hefur mig dreymt heilu heimana sem ég get ekki lýst með orðum, en stórkostlegasti draumur sem mig hefur dreymt var ferðalag um sjálfan himingeiminn þar sem ég sá hnetti og stjörnuþokur í ótrúlega fallegum litum.

En síðan vakna ég alltaf á morgnana inn í sama gráa hversdagsleikann, vekjaraklukkan á sínum stað og gömlu sokkarnir á gólfinu, en sumar myndir úr draumunum varðveitast samt í hugskoti mínu og gefa lífi mínu aukið gildi.

Það merkilegasta við alheiminn er ljósið og ef við vissum í raun og veru hvað ljós er, þá myndum við geta svarað grundvallarspurningum alheimsins.  Ljósið er bæði skammtar og bylgjur en það er svo miklu meira en það.  Kannski eiga kjarneðlisfræðingarnir í CERN eftir að uppgötva eitthvað meira um eðli ljóssins en þó er ég ekki viss.  Smættunaraðferðum raunvísindanna eru ákveðnar skorður settar.

 

Athugasemdir

[alva (IP-tala skráð) 27.7.2008 kl. 03:00]

Ég var ekkert smá fegin þegar ég vaknaði í morgun, mig hafði verið að dreyma það að dóttir mín litla var týnd og ég var með bara hrikalega martröð...ég var að hugsa um litlu Madelene þegar ég sofnaði... skrítið mig dreymir næstum aldrei...en mikið vildi ég dreyma svona drauma eins og þína, þeir eru örugglega frábærir...ég ætla að hugsa um fjallstinda þegar ég sofna á eftir...

[ROBBINN, 27.7.2008 kl. 09:53]

Já - þetta með draumana.  Líklega ertu með svona virkan Heilaköngul og ókalkaðan..;)

[Guðmundur (IP-tala skráð) 27.7.2008 kl. 13:11]

Hmmm...

Hver var það aftur sem að hélt því fram að hann væri "ljós lífsins".

Himnaríki er fallegt,,,,, já...

Ferðalag ER alltaf ferðalag,,, í draumi eða ekki þá hefur þér verið boðið að ferðast en SÉRÐU hvert og hver bauð í ferðina?

Kv: G.Þ. 

[Hrannar Baldursson, 27.7.2008 kl. 15:39]

Flott færsla hjá þér. Draumar virðast því miður vanmetnir í nútímanum, en mörg af mestu verðmætum þeim sem felast í að vera manneskja leynist í því að kunna að dreyma og velta þessum draumum aðeins fyrir sér.

[Þorsteinn Ásgeirsson (Icerock), 27.7.2008 kl. 18:44]

skoðaðu þetta

http://www.youtube.com/watch?v=MnRPZOUVhJ4