Molla og makkaróní

Eitthvað grunsamleg þessi hitamolla sem liggur yfir Suðurlandinu.  Minnir á loftslagið á meginlandi Evrópu...skyldi þó ekki vera að hitastigið á Íslandi sé að hækka grunsamlega mikið? Hmmm...hvað skyldi Loftslagsnefnd Sameinuðu Þjóðanna segja?

Einnig þessi ísbjörn!  Hvað var hann að gera á Þverárfjalli?  Ástæðan er sú að norðurskautsísinn er að bráðna og þegar hann þynnist mikið brotnar hann meira upp og stakir jakar losna og fara lengra suður á bóginn.  Með slíkum jökum geta borist ísbirnir.  Við eigum því von á fleiri ísbjörnum næstu misserin (og spurning hvort að við ætlum að skjóta þá alla?)??

Það er orðið svo langt á milli sumra ísjakanna fyrir norðan okkur, að ísbirnir hafa verið að drukkna vegna þess að þeir ná ekki að synda á milli jaka.   Og eru þeir samt mikil sunddýr.

Meira að segja Bush stjórnin hefur viðurkennt að ísbirnir séu í útrýmingarhættu.  Það er eitthvað grunsamlegt við þetta...hmmm

Athugasemdir

[Lára Hanna Einarsdóttir, 9.6.2008 kl. 12:10]

Er þetta ekki bara undanfari fleiri jarðskjálfta og síðan eldgoss? 

[Ingibjörg Álfrós Björnsdóttir, 9.6.2008 kl. 12:17]

Æji, nei.  Ég meika ekki fleiri náttúruhamfarir í bráð.

[Axel Jóhann Hallgrímsson, 11.6.2008 kl. 04:13]

Ég tel rétt að taka öllu með fyrirvara sem frá Bush og hans plebbum kemur.

1956 riðu Rússar á vaðið með friðum hvítabjarna, tíu árum síðar voru þeir alfriðaðir. Þá taldi stofninn 5000 dýr. Nú er stofninn 20000 dýr þannig að þetta horfir allt til betri vegar hvað stofninn áhrærir.

[Jón Halldór Guðmundsson, 12.6.2008 kl. 10:24]

Ef einhver meikar ekki fleiri náttúruhamfarir í bráð er best að flyja til dæmis á Seyðisfjörð.

Ég meika ekki annað ísbjarnarmorð og skora því á hlutaðeigandi að gera áætlun um hvernig skuli tekið á móti næsta dýri sem kemur, fyrr en síðar.