Að bjóða úlfum í mat - Björgvin byggir í Helguvík

Nú er Björgvin Sigurðsson viðskiptaráðherra búinn að taka skóflustunguna að álverinu í Helguvík og orðinn stóriðjusinni.  Af hverju? Jú íslenskir stjórnmálamenn, einkum fyrri ríkisstjórn Framsóknar og Sjálfstæðisflokks tók þá ákvörðun að bjóða stórfyrirtækjunum inn í landið.  Og þegar stórfyrirtækin eru búin að hreiðra um sig getur orðið ansi erfitt að losna við þau.  Þau eru eins og úlfar sem búið er að bjóða í mat. Hvaða stjórnmálamaður þorir að ráðast gegn hópi úlfa?

Lítum á það sem gerist ef stjórnmálamenn ganga þvert á vilja stjórfyrirtækja (og USA).  Salvador Allende í Chile var vinsæll og virtur læknir og stjórnmálamaður sem vildi hag fólksins og landsins sem bestan.  Hann réðst gegn bandarísku stórfyrirtækjunum sem réðu koparnámunum í landinu og þar með voru dagar hans taldir í bókstaflegum skilningi.  Á sama hátt hafa frelsishetjur sem ætluðu að frelsa lönd sín frá bandarískum stórfyrirtækjum horfið í dularfullum flugslysum og svo má lengi telja.

Íslenskir stjórnmálamenn eru búnir að bjóða úlfunum inn í landið.  Og núna eru stjórnmálamennirnir að passa það að verða ekki étnir sjálfir, vegna þess að þegar þú býður úlfum í mat er alltaf hætta á því að þú sjálfur verðir aðalrétturinn. 

Athugasemdir

[alva (IP-tala skráð) 7.6.2008 kl. 13:02]

já. þetta er alveg heint skelfilegt, Þeir gera sér enga grein fyrir þessu ( alþingismenn - ráðherrar ) og halda að þeir séu einhverjir vinir okkar þessir gráðugu úlfar, þeir þola örugglega ekki brosið á Geir eða Björgvini eða Guðna... þessum úlfum sinnst þeir örugglega virka eins og saklausir og vitlausir skóladrengir...

takk fyrir bloggvinskapinn. . 

[Viðar Jónsson, 7.6.2008 kl. 13:38]

Það munar um verulega um þín vönduðu framlög í baráttunni fyrir betra mannlífi.  Ég vona að það gangi vel að raða aftur upp í hillurnar á Selfossi.

Kv. Viðar

[Guðjón Sigþór Jensson, 7.6.2008 kl. 16:22]

Er stóriðjan með íslensku ríkisstjórnina í vasanum?

sjá: http://mosi.blog.is/blog/mosi/entry/562154/ 

[Hildigunnur Rúnarsdóttir, 8.6.2008 kl. 16:20]

Ég get ekki sagt að ég hlakki til að fá reikninginn frá Impregilo, allavega...

[Lára Hanna Einarsdóttir, 8.6.2008 kl. 16:49]

Takk fyrir þennan pistil, Ingibjörg Elsa. Þú hefur svo sannarlega lög að mæla.

[Guðjón Sigþór Jensson, 8.6.2008 kl. 21:18]

Þið misstuð af góðri ferð á vegum nokkurra grænna félaga í Samfylkingunni um Hellisheiðina í dag. Við fengum frábæra leiðsögn og svo er aðskilja að margir Samfylkingarmenn eru orðnir mjög vantrúaðir á þá þróun sem þessi gegndarlausa virkjanastefna hefur í för með sér. Á þeim bæ vill fólk virkjanastopp og það strax!

Sjá nánar nýjustu færsluna mína: Nakin mótmæli. 

Mosi