Ljóðaþýðingar

Ljóð eftir Wiswava Szymborska

 

Þakkir

 

Ég á mikið að þakka

Þeim sem ég elska ekki

 

Fegin að viðurkenna

Að þeir eru nákomnari einhverjum öðrum

 

Ég finn til gleði yfir því

Að vera ekki dís drauma þeirra

 

Ég er róleg í návist þeirra

Ég er frjáls

Þessi ást gefur hvorki af sér

Né veit hvers á að krefjast

 

Ég bíð þeirra ekki

Við glugga eða dyr

Þolinmóð

Nánast eins og sólúr

Ég get skilið

Það sem ástin skilur ekki

Fyrirgefið það

Sem ástin getur aldrei fyrirgefið

 

Það er ekki heil eilífð sem skilur að fund og bréf

Heldur einungis nokkrir dagar eða vikur.

Það er alltaf gott að ferðast með þeim

Tónleikar sem hlustað hefur verið á

Skoðaðar dómkirkjur

Einstakt landslag

 

Þegar sjö hæðir og ár

Skilja á milli okkar

Þá eru það hæðir og ár

Sem við þekkjum vel af landakortum.

Athugasemdir

[Þorsteinn Sverrisson, 13.4.2008 kl. 10:01]

Takk fyrir þetta ljóð og skemmtileg blogg.  Þú hefur vaknað snemma í morgun