Erich Fromm og normalitetið

Var að lesa á þýsku Die Pathologie Der Normalität eftir Erich Fromm.  Fromm kemst í raun að þeirri niðurstöðu að þeim sem líður vel í nútíma vestrænum þjóðfélögum, þeir sem blómstra í kerfi kapitalismans séu meira en lítið skrýtnir.  Allir hinir sem eru að verða vitlausir á kerfinu, hraðanum, verðbólgunni og brjálæðinu eru hins vegar afskaplega normal. 

Fromm útskýrir í löngu máli af hverju maðurinn var ekki hannaður fyrir nútímasamfélagið og hann útskýrir firringu mannsins í nútímanum.  Sjálfsagt einhver tengsl við Sartre en ég nennti ekki að kanna þau nánar.

Semsagt, ef þú ert að verða vitlaus á bankakerfinu, ástandinu almennt og heilbrigðiskerfinu þá er í lagi með þig, - ef þér finnst íslenskt samfélag hins vegar æðislegt og allt bara geggjað stuð, - þá skaltu leita þér hjálpar. 

 

Athugasemdir

[Helga Ö (IP-tala skráð) 10.3.2008 kl. 09:06]

Það er gott að vita að það sé ekki eðlilegt að vera normal, miðað við ríkjandi ástand, en það er líka leiðinlegasta fólkið, það sem er normal, svo ekkert vildi ég frekar vera en ónormal, í þeirri von að vera þá pínulítið skemmtileg, stundum. Ég ætla því að halda áfram uppteknum hætti, að byggja upp kraftmikla svörun míns andlega ónæmiskerfis við hvers konar vestrænum nútímaáreitum, þar sem Ísland er að mörgu leyti í fararbroddi (ekki öllu sem betur fer, þá væru allir, en ekki bara sumir, þessir ónormölu flúnir eða dauðir)!  Hætti nú hér með að berja mér á brjóst eins og faríseinn og bið að heilsa þér, Ingibjörg mín, og sendi kveðjur til karls þíns og kattar! Helga. 

[Steingerður Steinarsdóttir, 11.3.2008 kl. 09:52]

Æ hvað það var gott að heyra þetta. Maður er alltaf svo glaður að fá það staðfest að maður sé normal.

[Ásgeir Kristinn Lárusson, 14.3.2008 kl. 13:15]

Skoski geðlæknirinn R.D. Laing komst að sömu niðurstöðum og lýsir því vel í bókum einsog -Facts of Life - ;)

[Morten Lange, 15.3.2008 kl. 19:31]

Hef lengi verið að hugsa í svípuðum dúr og þú lýsir hjá Fromm, en tengdi það kannski ekki svona skýrt við sömu atriðin, sem t.d. kapitalisma.

[Anna Benkovic Mikaelsdóttir, 16.3.2008 kl. 10:18]

Gott og hollt að lesa þetta...er nefnilega búin að ákveða að kenna við grunnskólann á Ísafirði næsta vetur! Hef fengið nóg af "ástandinu almennt,...hér á höfuðborginni"...verum í sambandi