Hannes, Bjarni, Villi og REI

Kannski er ég að misskilja eitthvað, en mér virðist augljóst að Hannes Smárason og Bjarni Ármannsson hafi keyrt REI málið áfram af hraði vegna þess að þeir vildu komast inn í Orkuveitu Reykjavíkur sem er jú gullkálfur borgarinnar.  Hannes Smárason var einnig með Geyser Green Energy að reyna að bjarga fjárhagsstöðu FL group og Bjarni Ármanns var að hugsa um að ávaxta sitt persónulega pund. 

Vilhjálmur Þ. Vilhjálmsson virðist hafa verið eins og deig í höndunum á bæði Hannesi og Bjarna, sem gátu fengið hann til þess að undirrita hvað sem er þótt hann vilji helst í dag gleyma þessu öllu.   

það er  ekki spurning að það eru miklir möguleikar og miklir peningar í útrás orkugeirans.  Og allir einkaaðilarnir og bankarnir vilja gjarnan eignast Orkuveitu Reykjavíkur og hitaveitu Suðurnesja til þess að geta notað þá þekkingu og þann mannauð sem þar er innan dyra.

Mér finnst þess vegna að það ætti að skoða nánar þátt Hannesar Smárasonar í þessu REI máli.  Hver var aðkoma hans, hvað gerði hann og hvernig spilaði hann úr málum.  Ég vil að Hannes Smárason verði kallaður til ábyrgðar ásamt Vilhjálmi og einnig mætti í leiðinni skoða þátttöku Bjarna Ármannssonar nánar.

Athugasemdir

[Auður H Ingólfsdóttir (IP-tala skráð) 9.2.2008 kl. 12:48]

Verð að viðurkenna að ég er sjálf löngu hægt að botna nokkurn skapaðan hlut í þessu máli....

Kveðja á Selfoss. Vona að þú sért búin að jafna þig eftir flensuna.

[Jóhanna Magnúsar- og Völudóttir , 9.2.2008 kl. 12:56]

Þetta er að verða flóknara en hin heilaga þrenning í guðfræðinni!