Hljóðskrár, ræður og viðtöl á netinu

Ég er nýlega búin að uppgötva að það er til slatti af gömlum ræðum, viðtölum og öðrum hljóðupptökum á netinu.  T.d. fann ég þrjú viðtöl við Vladimir Nabokov og er afskaplega gaman að hlusta á málróm hans og sérkennilegan ensk-rússneskan framburð. 

Einnig er hægt að finna á netinu ræðu Josifs Vissiaronovich Stalíns þar sem hann lýsir yfir sigri rússa í seinni heimstyrjöldinni.  Ræðan hefur fyrst og fremst sögulegt gildi og það er hálf skrýtið að hlusta á rödd Stalíns og heyra málróm hans.

Ónefndar eru allar fréttirnar, poddköstin og annað þvíumlíkt sem hægt er að finna á netinu,  en víst er að það er ansi gaman að hlusta á gamlar upptökur,  sérstaklega þegar þær hafa sagnfræðilegt gildi.  Þá er eins og talað sé til manns beint úr fortíðinni.

Athugasemdir

[María Kristjánsdóttir, 14.12.2007 kl. 06:25]

Loks fæ ég tíma þessar erilsömu vikur að lesa blogg bloggvinanna og það auðvitað mér til mikillar ánægju. Hvað eru slóðirnar inná Nabokov og Stalín? Kær kveðja.

[Ingibjörg Álfrós Björnsdóttir, 15.12.2007 kl. 08:58]

Kæra María,

Ef þú sendir mér tölvupóst á [e-mail] , þá get ég sent þér slóðirnar eða skrárnar til baka.

Með kærri kveðju,

 Ingibjörg Elsa