Don´t forget the soil.

Þegar rætt er um loftslagsbreytingar og vatnsmál jarðar gleymist oft að nefna jarðveginn sem er undirstaða gróðurs og landbúnaðar.  Jarðvegur bindur kolefni og heldur í vatnið þannig að það renni ekki rakleitt af yfirborði og út í sjó.  Í einni lúku af jarðvegi eru ótal lífverur,heilt vistkerfi og er jarðvegur og jarðvegsþekja því eitt af því dýrmætasta sem við eigum.

Við Íslendingar höfum náð góðum árangri í að vinna gegn gróðureyðingu.  Í dag tekst að græða upp meira land á ári hverju en tapast.  Samt er orrustunni ekki lokið.  Við þurfum að leggja meiri áherslu á landgræðslu með náttúrulegum gróðri bæði til þess að halda í jarðveginn og einnig til þess að binda eitthvað af því kolefni sem álverin losa út í andrúmsloftið.

Við skulum því ekki gleyma jarðveginum - Don´t forget the soil. 

Athugasemdir

[Brynjar Hólm Bjarnason, 6.9.2007 kl. 07:32]

Nú er ekki komin inn áhrif Kárahnjúka á uppblástur enn. Við skulum vona að þær framkvæmdir hafi ekki eins mikil áhrif og ég er hræddur um að verði. Þar verður ekki létt verk að stöðva áfok og uppblástur.