Málmar á hverfandi hveli

Jörðin er reikistjarna með takmarkað flatarmál.  Margir málmar og mörg frumefni í jarðskorpunni eru til í takmörkuðu magni.  Platínum verður uppurið eftir nokkra áratugi.  Indium sem er notað í flatskjái er líka aðeins til í takmörkuðu magni og tantalum sem er notað í farsíma fer hratt minnkandi.  Þar sem um frumefni er að ræða er vandséð hvernig er hægt að finna staðgengla í staðinn fyrir þessi efni.  Algengari málmar eins og sínk, kopar, nikkel eru líka einungis til í takmörkuðu magni og fosfór í jarðskorpunni sem notaður er í áburð til landbúnaðar er ekki óendanlegur. 

Það er hins vegar erfitt að meta hvenær nákvæmlega þessir málmar klárast vegna þess að enginn einn aðili er með yfirsýn yfir námavinnslu og notkun allra þessara málma og frumefna.  Indíum sem notað er í flatskjái gæti verið uppurið eftir aðeins 4 ár,  gull yrði ekki lengur til eftir 36 ár.  NEMA EITTHVAÐ BREYTIST. 

Það er því alllíklegt að hugsanlegar geimferðir til Mars muni þjóna þeim tilgangi að athuga hvort að námavinnsla á Mars er möguleg til að ná þar í frumefni sem ekki verða til lengur á Jörðinni eftir 100 ár.  ÓDÝRAST VERÐUR ÞÓ AÐ ENDURVINNA ALLA ÞÁ MÁLMA SEM FALDIR ERU Á RUSLAHAUGUM HEIMSINS OG FLOKKA ÞÁ FRÁ.  MYNDIR ÞÚ HENDA GULLI ?

Athugasemdir

[Brynjar Hólm Bjarnason, 6.7.2007 kl. 17:36]

Varðandi flatskjáina þá getum við huggað okkur við það að það er veri að hanna myndlampaflatskjái. Þá er komið fyrir nokkrum myndlömpum á kanti skjáarins og þeir látnir þjónaákveðnu svæði á skjánum. Þá er þessu reddað.

En með allt hitt þá væri nú ekki vitlaust a byrja á álinu svo að ekki þyrfti að byggja svona mörg orkufrek álver, því að eins og við vitum þá henda Ameríkumenn bara í áldósum sem svarar einu Reyðarfjarðarálveri á haugana á ári