Betlarar í Austurstræti

Hafa fleiri en ég tekið eftir því að betl hefur vaxið í Austurstræti ?  Um daginn var ég með 150 kr. í vasanum sem enduðu í lófa betlara sem ráfaði illa haldinn um miðbæinn.  Ég hefði látið hann fá þúsundkall ef ég hefði átt hann í vasanum ?  Er þetta sú þróun sem við viljum sjá í borginni ?

Athugasemdir

[Kolbrún Baldursdóttir, 7.5.2007 kl. 14:07]

Ég hef tekið eftir því að einn og einn hljóðfæraleikari er að spila fyrir vegfarendur og væntir þess að fá aur fyrir.  Mér hefur þótt þetta svolítið skemmtilegt en auðvitað er það ekki skemmtilegt ef veslings fólkið þarf að vinna fyrir salti í grautinn með þessum hætti. Ég held þetta sé smá vottur af erlendri menningu en eins og flestir vita fyrirfinnst þetta mikið í öðrum löndum.

[Jóhanna Magnúsar- og Völudóttir , 7.5.2007 kl. 14:22]

Hef bæði rekist á hljóðfæraleikara fyrir utan Glæsibæ og Bónus sem hafa verið að spila fyrir peninga. Ég hef gefið í bæði skiptin... einhverja hundraðkalla, en veit ekki hvort þetta er nú góð þróun. Í báðum tilfellum var um að ræða menn af erlendu bergi brotnu.

[Gestur Guðjónsson, 7.5.2007 kl. 14:32]

Skýringin kom í hádegisfréttum útvarpsins í dag. Þetta eru Rúmenar sem komu gagngert til landsins í þessum tilgangi.

[Sigurður Þór Guðjónsson, 8.5.2007 kl. 01:07]

Eigum við að trúa fréttum frá lögreglunni umhugsunarlaust? Hún talar um þessa menn sem glæpamenn. Má ekki alveg eins túlka þetta sem ofsóknir lögreglunnar gegn fátækum útlendingum.