Að hlusta á stjörnurnar hreyfast

Forngrikkir trúðu því að stjörnunar mynduðu tónlist og samhljóm um leið og þær hreyfðust um himinhvolfið. Það var hins vegar ekki mönnum gefið að heyra þessa tónlist. En stundum hefur mér fundist alheimurinn vera eitt allsherjar tónverk þar sem hvert hljóðfæri hefur sinn einstaka tón. Og líf einnar manneskju er eins og ein nóta í þessari veraldarsynfóníu. Þannig hefur tónverkið upphaf og endi, takt og ákveðinn rythma sem hægt er að greina og skynja. Það er kontrapunktur í verkinu og alls kyns krúsídúllur. En ég er örugglega ekki eina manneskjan sem upplifi veröldina sem listaverk. Er ekki hvert mannsbarn sem fæðist algjört listaverk ?

Athugasemdir

[Svava S. Steinars, 21.4.2007 kl. 00:01]

Veröldin er sannarlega listaverk, allt frá smæsta sandkorni að stórum himinhnöttum.  Vð skulum njóta þess eins lengi og við getum

[Sigurður Þór Guðjónsson, 21.4.2007 kl. 16:28]

Geta ekki lika verið feilnótur í veraldarsinfóníunni?