Losun á CO2 vegna flutninga á áli

Flutningur á súráli frá Suðurálfu til Íslands losar um 0,5 tonn af CO2 á hvert framleitt tonn af nýju áli.
Sem þýðir að skipið PIne Arrow losaði um 12.000 tonn af CO2 á leiðinni frá Ástralíu til Reyðarfjarðar.

Framleiðsla í verksmiðju á 1 tonni af áli losar um 1,7 tonn CO2. Við bætast 0,5 tonn vegna flutnings frá Ástralíu til Íslands og 0,08 tonn CO2 vegna flutnings á markað í Þýskalandi alls: 2,28 tonn CO2 á hvert tonn af áli.

Síðan má reikna út hve mikið eitt álver losar á ári í CO2 vegna framleiðslu og flutninga. Þá eru ótaldar aðrar gróðurhúsalofttegundir sem álverið losar.

Athugasemdir

[Birgir Þór Bragason, 11.4.2007 kl. 08:21]

Verður losun CO2 ekki nákvæmlega sú sama hvar sem álið er framleitt? Skiptir nokkru máli hvar þessi losun verður? Er það ekki heildartalan sem gildir?

[Pétur Þorleifsson , 11.4.2007 kl. 19:08]

Það þarf 4 tonn af báxíti til að framleiða 2 tonn af súráli til að framleiða 1 tonn af áli. Íslendingar undirbjóða þriðja heims þjóðir með gjaforku sinni til álvera og stuðla að bruðli með málminn. Í Venezúela t.d. er framleitt of mikið af rafmagni og þar er báxít til staðar. En eins og forstjóri Alcoa sagði í Brasilíu á dögunum : “But the agreed price — 30 dollars per megawatt-hour — was far from ideal. In Iceland, the company pays half that.”

[Svava S. Steinars, 12.4.2007 kl. 01:02]

Enginn hugsar um alla þætti mengunarinnar sem fylgir álverum - eitt er að tala um það sem fylgir starfseminni sjálfri á hverjum stað - annað að tala um allt sem fylgir þeirri starfsemi.  Það gleyma allir að reikna með flutningum í álversumræðunni !

[Guðmundur Ragnar Björnsson, 12.4.2007 kl. 17:15]

Fólk verður líka að athuga það að það finnst súrál víðar en í Ástralíu. Megnið af súrálinu sem kemur til Straumsvíkur kemur td. frá Írlandi sem kostar eflaust lítið CO2. Það verður að skoða málið frá öllum hliðum.

[Gestur Guðjónsson, 13.4.2007 kl. 10:24]

Menn sem harðast hafa gagnrýnt uppbygginguna í landinu hafa bent á að í stað iðnþróunar eigi að stefna á þróun ferðamennsku. Að því að mér reiknast til, þá er losun gróðurhúsalofttegunda vegna flugs frá landinu (er ekki með tölur um flugið til) um þriðjungur af losun álveranna. Þannig að fyrir utan álag ferðamennskunnar á náttúruna sjálfa, því auðvitað fara ferðamennirnir helst á þau svæði sem verðmætust eru, er líklegast að er margt sem þarf að skoða í tengslum við ferðaþjónustuna. Hún er nefnilega ekki alheilög, þótt góð sé, sjá bls 10 hér og bls 29 hér.