Frelsunarguðfræði

Frelsunarguðfræðin lítur til Jesú Krists ekki einungis sem frelsara heldur einnig sem þess sem skapar réttlæti og frelsar þá sem minna mega sín.  Frelsunarguðfræðin leggur áherslu á að koma á réttlátum heimi og heldur fram réttindum hinna fátæku og kúguðu.  Einn af þeim fyrstu sem hélt fram frelsunarguðfræði var Dr. Dietrich Bonhoeffer sem var tekinn af lífi af nasistum í síðari heimstyrjöldinni.  Sumir segja að frelsunarguðfræðin sé tegund af kristnum sósíalisma en meðal lúterskra guðfræðinga nýtur frelsunarguðfræðin sömu virðingar og aðrar tegundir guðfræði svosem eins og feminísk guðfræði og söguleg guðfræði.  Samkvæmt kenningum frelsunarguðfræðinnar er boðskapur Krists svo sterkur að hann krefur manninn tafarlaust svara um spurningar er varða réttlæti og mannréttindi.  Krafan um að elska náungann eins og sjálfan sig er sterk og tímabær.  Hún kallar til mannsins þar sem hann er staddur og krefur hann svars.  Hvar er bróðir þinn ?  spyr Drottinn.  Áttir þú ekki að gæta hans ?  Kærleikur Krists er einnig frelsandi í eðli sínu og er það afl er getur umbreytt veröldinni í bókstaflegum skilningi.  Víða í fátækustu hverfum heimsins má sjá kristna krossa þar sem frelsunarguðfræðin hefur náð til hinna fátækustu sem byggja þennan heim. 

Athugasemdir

[Anna Benkovic Mikaelsdóttir, 26.3.2007 kl. 21:00]

Svona var Kristur...frelsandi! ...ekki hugsandi um hvort hann ætti aðgefa 1 krónu þegar hann átti 100.  Gefðu þær allar myndi hann hafa sagt...sem þjóðkirkjan hefur tapað (þessum boðskap, enda á ríkisspena).  En við þurfum ekki að vera svona róttæk í anda Krists, "ef þú átt 2 kirtla, gefðu annan"!

[Sigurður Þór Guðjónsson, 27.3.2007 kl. 10:49]

Ég kem á þína skýrmæltu og hjartahreinu síðu til að ná andanum (eiginlega í  bókstaflegri merkingu) eftir allt yfirborðssnakkið og hégómann sem ríkir á flestum bloggsíðum. Þitt blogg er eins og vin í eyðimörk. 

[Guðný Anna Arnþórsdóttir, 29.3.2007 kl. 00:03]

Þarna tekur þú guðfræðilega umræðu á næsta stig við óskiljanlega bullstigið. Meira af þessu, þú veist greinilega hvað þú talar um!

En kæri Sigurður Þór, má ekki fólk líka bulla og fá útrás fyrir hégómleika sinn og hjárænulega afstöðu á blogginu??