Að þjálfa hugann.

Ég hef allt frá því að ég var barn haft gaman af því að þjálfa hugann.  Hugurinn kemur enn á óvart,  hann er öflugri en sýnist við fyrstu sýn.  Það er fátt eins skemmtilegt eins og að beita huganum við lausn á flóknum viðfangsefnum.  Ef hugur minn hefur ekkert að starfa lengi vel verð ég eirðarlaus.  Mikilvægast er að gera sér grein fyrir því að mannshugurinn er eins og stöðuvatn.  Hugsanirnar gára vatnið en áhyggjur og neikvæðar hugsanir skapa storm á vatninu.  Þannig er mikilvægast að ýta burt neikvæðum hugsunum og áhyggjum undireins og þær koma upp á yfirborðið.  Gott getur verið að stunda hugleiðslu til þess að læra að ná fullkominni einbeitingu og hugarró.  Þú skalt taka þér tíma á hverjum degi til þess að setjast niður og hugsa rólega um líf þitt og tilveru.  Leitaðu inn á við og finndu frið innra með þér.  Þú getur ekki breytt því sem gerist í heiminum en þú getur breytt því hvernig þú bregst við veröldinni.  Slakaðu á.  Það er erfitt í upphafi að bægja burt neikvæðum hugsunum og hugsa jákvætt en smám saman verður það auðveldara og auðveldara.  Innan skamms finnur þú orkuna vaxa innra með þér enda er maðurinn óendanleg orkuuppspretta sé rétt á málum haldið.  Stundum þarf einnig hugrekki til þess að skipuleggja lífið upp á nýtt.  Í búddisma er sama orð notað yfir breytingar og tækifæri. 

Athugasemdir

[Lilja Hallbjörnsdóttir (IP-tala skráð) 24.3.2007 kl. 20:23]

Sæl Ingibjörg Elsa.

Sammála þessu sem þú segir um neikvæðar hugsanir, það er ákveðin þjálfun sem felst í því að temja sér jákvætt hugarfar.  En þegar það er orðið meðvitað þá einfaldar það og auðveldar marga hluti.  Annars vorum við saman í bekk í að mig minnir í Melaskóla :) Ganig þér vel.

KV

Lilja

[Anna Benkovic Mikaelsdóttir, 25.3.2007 kl. 12:47]

"Notes from underground! eftir Dostojevsky lýsir myrkri neikvæðs hugs snilldarlega...

[Vilborg Eggertsdóttir, 25.3.2007 kl. 21:48]

Getum líka valið að hætta að merkja hlutina og skilgreina út í eitt. Hugurinn elskar að skilgreina, þá er hann upptekinn.