DOAS laser-aðferð til að mæla umferðarmengun

DOAS aðferðin byggir á Beer - Lambert lögmálinu: A = -log10(Io/I ) = ecl
þar sem A er gleypni, Io er styrkleiki innkomins geisla, I er styrkleiki sends geisla og e er mólgleypni efnisins, c er styrkleiki og l er fjarlægðin sem geislinn fer í gegnum andrúmsloftið.

Aðferðin virkar þannig að leysigeisla er skotið t.d. 50 m vegalengd í gegnum mengunarloftið og skotið aftur til baka með spegli. Styrkleiki geislans þegar hann kemur til baka er numinn og tölva er síðan notuð til þess að reikna út magn lofttegunda í andrúmsloftinu.

Með DOAS tækni er hægt að mæla BTEX efni og formaldehýð, einnig SO2, NOx og önnur algeng umferðarmengunarefni.

DOAS aðferðin er notuð víða um heim og er hægt að nálgast frekari upplýsingar á netinu með því að slá inn DOAS + Air pollution.

Athugasemdir

[Anna Benkovic Mikaelsdóttir, 12.3.2007 kl. 19:34]

er þessi aðferð notuð hér á landi?

[Albert Sigurðsson (IP-tala skráð) 13.3.2007 kl. 17:48]

Sæl verið þið. Umhverfislöggjöf EB krefst þess að notaðar séu tilteknar og staðlaðar aðferðir við mengunarmælingar, ef nota á gögnin í gagnabanka erlendis. Þar sem svona mælingar kosta ansi mikið eru í Reykjavík nær eingöngu mæld helstu mengunarefni og þær mæliniðurstöður nýttar í erlenda gagnabanka. DOAS er mér vitandi aðeins notað innan veggja í einhverjum álverum. Það hafa verið uppi efasemdir um notagildi DOAS mælitækja utanhúss, bæði vegna þess hversu lítið magn er af öðrum mengunarefnum en svifryki, einnig þar sem skyggni getur verið afar slæmt hér á landi. Þar að auki getur selta valdið miklum viðhaldskostnaði. Þó væri gagnlegt að nota DOAS loftmengunarmælingar umhverfis iðnaðarsvæði þar sem hægt er að mæla fyrir horn ef geislinn er speglaður. Þannig gæti 1-2 DOAS tæki mælt allann hringinn í kringum verksmiðju eða iðnsvæði (fenceline monitoring). Erlendis hefur slík aðferð getað skorið úr um hvort mengun komi frá tiltekinni verksmiðju eða ekki, ef tekið er tillit til vindátta. Í Kaupmannahafnarhöfn heyrði ég um að DOAS geisli sé sendur yfir hafnarsvæðið til að mæla útblástur skipa. Ef tiltekin erlend skip menga mikið fá þau að heyra það frá hafnarverðinum. En hingað til hefur DOAS þótt of dýrt fyrir okkar kotbúskap hér á Fróni.
Kveðja, Albert Sigurðsson.