Af hverju risaeðlurnar átu ekki gras!

Það er auðvelt að fara með gröfu yfir hraun og gróðurlendi. Þá vill gleymast að grös hafa ekki alltaf verið til á jörðinni. Nei aldeilis ekki. Grasið er tiltölulega nýtt fyrirbæri í jarðsögunni. Grösin komu fram á Eósen tímabilinu sem hófst fyrir um 55,8 milljónum ára. Á meðan að risaeðlurnar gengu um meginlöndin voru engin grös til, einungis elftingar og tré. Allar risaeðlur dóu út fyrir um 65 milljónum ára (nema þær sem urðu síðar að fuglum). Þannig að risaeðlurnar dóu út um 10 milljón árum áður en grösin komu fram á sjónarsviðið. Þess vegna átu risaeðlurnar ekki grös! Þar sem grasið er einungis um 55,8 milljón ára gamalt og jörðin 4600 milljón ára gömul sést að gras er tiltölulega nýtt fyrirbæri. Það tekur þúsundir ára fyrir íslensk hraun að gróa upp en það tekur aðeins örfáar mínútur að eyðileggja stórar hraunbreiður. Við skulum því bera virðingu fyrir náttúrunni sem hefur þróast óháð manninum í 4600 milljónir ára.

Athugasemdir

[Valgeir Bjarnason, 23.2.2007 kl. 22:16]

Grösin eru sérhönnuð til beitar. Þau framleiða ekki eiturefni og eru ekki með varnarbúnað gegn beit. Vaxtarpunktur þeirra er niður við jörð, en ofar hjá flestum öðrum plöntum, það er þeirra vörn við beit. Þau eru næringarrík. Grösin eru þannig grundvöllur fyrir grasbítana.

[Anna Benkovic Mikaelsdóttir, 23.2.2007 kl. 23:13]

Ingibjörg, þu ert frábær

[Sigurður Ásbjörnsson, 24.2.2007 kl. 21:41]

Good things dont come easy

[Vaff, 25.2.2007 kl. 00:18]

Skemmtilegt og fróðlegt efni á síðunni þinni.