Hvað eru halastjörnur ?

Halastjörnur eru gerðar úr ískjarna sem líkist skítugum snjóbolta. Snjórinn er að mestu leyti úr vatni en 1 af hverjum 20 efnasamböndum halastjörnunnar er sérstakt efnasamband og oft getur verið um flóknar, jafnvel lífrænar efnaformúlur að ræða. Óhreinindin í snjóboltanum eru grjótagnir. Hali halastjörnunnar myndast síðan þegar ísklumpurinn eða halastjarnan lendir í sterkri útgeislun sólar þannig að ísinn bráðnar og myndar hala.

Fyrstu halastjörnuna sem sást í sjónauka sá þýski stjörnufræðingurinn Gottfried Krich fyrir tilviljun árið 1680 þegar hann var að skoða tunglið. Eðlisfræðingurinn Isaac Newton reiknaði síðan út braut halastjörnunnar og birti niðurstöður rannsókna sinna í ritinu Principia árið 1687.

McNaught halastjarnan sést á himni þessa dagana og er hún rétt austan við sólu. Gætið þess vel að horfa ekki beint í sólina og alls ekki í kíki.

Athugasemdir

[Ágúst H Bjarnason, 13.1.2007 kl. 23:25]

Sæl Ingibjörg

Takk fyrir fróðleikinn á síðum þínum.  Eiginlega ætti þetta að heima undir Vísindi og fræði!  Gott að sjá fjallað um vísindi hér á bloggsíðunum.

Bestu kveðjur

Ágúst