Um Suðurlandsskjálfta

Suðurlandsskjálftinn mikli árið 1896 átti upptök sín í Skarðsfjalli nálægt Árnesi við Þjórsá.  Um nokkra skjálfta var að ræða (skjálftahrinu) og einn skjálftinn var svo mikill að björgum laust saman í Ingólfsfjalli þannig að eldglæringar mynduðust.  Skjálftarnir í júní árið 2000 losuðu einungis um 25% af spennunni sem er í jarðskorpunni á svæðinu við neðanverða Þjórsá.  En af hverju varð ekki jarðskjálfti með uppruna sinn í Skarðsfjalli árið 2000 ?  Líklega vegna þess að bergið í Skarðsfjalli er of sterkt.  Spenna er ennþá að byggjast upp í skorpunni við Skarðsfjall og að því mun koma að öllum líkindum á næstu áratugum að það verði stór skjálfti 6-7 á Richter með upptök sín á svæðinu í kringum eða við Skarðsfjall.  Svæðið þarna er allt sundursprungið og minna en 1 km á milli sprungna.

Af hverju er ég að rekja þetta?  Jú vegna þess að til stendur að byggja virkjanir á þessu mikla upptakasvæði jarðskjálfta á Suðurlandi.  Er ekki nóg að íbúarnir á svæðinu þurfi að búa við vaxandi jarðskjálftaógn og ógn frá Heklugosum.  Þurfa þeir einnig að búa við stöðugan ótta vegna þess að uppistöðulón gætu lekið og vatnsflóð komið fram á ólíklegustu stöðum?  Eru ekki sjálfsögð mannréttindi að geta búið við öryggi?

Athugasemdir

[Stefanía Geirsdóttir (IP-tala skráð) 10.8.2007 kl. 13:03]

Sæl Ingibjörg!

Gaman að lesa greininga þína, gott að einhver sem vit hefur á lætur í sér heyra.  Gott væri að setja þessa grein inn á thorsa.com ef einhver slysaðist til að fara þangað inn.  Eitt hefur lengi velst um í mínum huga.  Hvaða áhrif hefur þessi þungi á jarðskorpuna á tilteknu svæði, er ekki möguleiki að þegar svona mikið vatn safnast á sama stað hafi það áhrif á sjálfa jarðskorpuna?  Mér finnst alltaf óhugnalegt að storka svona náttúruöflunum. 

                                                               Kveðja;  Stefanía.

                            Kveðja;  Stefanía.

[Benjamín Plaggenborg, 10.8.2007 kl. 17:24]

Varðandi athugasemd Stefaníu má leiðrétta að slóðin er

http://thjorsa.com